Maine dekha hai...

Us Sadak ki aakhiri chhor par
maine dekha hai ik gareeb ma ko bilakhte hue,
kisi ki maar sehte hue, galio ki bauchhar sehte hue,
aur uske bookhe bacche ko pooja ke phool done me bechte hue
aur bhagwan ko hikarat bhari nazaron se dekhte hue...

Maine dekha hai ik bacche ko apna bachpan khote hue,
ik bache ko bhook se bilakhte hue, tadapte hue, rote hue,
ik bache ko iss aas me madarsa jate hue ki ik waqt ki roti naseeb ho jayegi,
ya khuda kya mere desh ki mitti yehi rang laegi...

Maine dekha hai un ameero ke auladon ko adha ann khate hue,
aur baki, us sadak pe phekte hue,
aur unhi phike hue ann ko ek bhookhe bachhe ka niwala bante hue,
maine dekha hai...

Maine dekha hai ik kisaan ke bacche ko bhookhe marte hue,
mazdoor ke chulhe ho bina roti jalte hue,
ik gareeb ko apne bachhe ke ilaz ke liye dar dar bhatakte hue,
maine dekha hai us sadak ki aakhiri chhor par...